Min Jidħak l-Aħħar

Kull bidu għandu tmiem.

Kulħadd jaf li xi darba jrid imut. Tagħmel x’tagħmel u jiġri x’jiġri, ħajtek hija ġirja kontra l-ħin. Inevitabli. Imma b’xi mod jirnexxilna, u forsi mnalla, ngħixu f’illużjoni li aħna kapaċi ngħixu għal dejjem u nippjanaw u nfasslu ħajjitna bħalikieku l-mewt ma tilħaqna qatt.

Renata, Iris u Helena kienu qed jgħixu ħajjithom trankwili meta din l-illużjoni infaqgħet f’wiċċhom għalgħarrieda. Glioblastoma. Kanċer fil-pulmun. Kanċer fil-musrana. Il-ħin jibda’ jonqos. Jonqos ma’ kull jum li jgħaddi. It-triq lejn il-mewt hija dik li tgħaqqadhom flimkien, imma kif iħarsu lejha, hija deċiżjoni individwali li toħloq tensjoni, kunflitt, ħbiberija u mħabba.

Min Jidħak l-Aħħar…hija l-istorja ta’ dawn in-nisa li ħarsu dritt f’għajnejn il-mewt…u ddeċidew li jibqgħu jidħku sal-aħħar.

Kitba ta’ André Mangion

Direzzjoni ta’ Chiara Hyzler

Produzzjoni ta’ Nikolai Azzopardi Productions

Kast: Antonella Mifsud, Chantelle Micallef Grimaud, Marceline Galea, Moira Vassallo u Illaria Costa.

Din il-produzzjoni saret possibbli bis-saħħa tal-appoġġ ta' APS Bank, Bacchus u Polidano Press Ltd.

Dan il-proġett huwa megħjun mill-Kunsill Malti għall-Arti.